《星星》成大贏家 金秀賢獲演技大獎激動落淚
10 - 02 11:00
第7屆韓國電視劇節昨午喺韓國晉州市盛大舉行，一眾人氣演員包括金在中、李光洙、金素妍等都盛裝上陣亮相紅地氈，而身穿黑色西裝嘅「都教授」金秀賢亦帥氣現身，當晚仲憑人氣劇集《來自星星的你》榮獲最高榮譽嘅演技大獎！
《星星》囊括5獎成大贏家，包括最佳作品獎，金秀賢獨攬兩獎，除力壓全智賢與李敏鎬等捧走全晚最高榮譽的演技大獎外，仲獲頒韓流熱爆明星獎。金秀賢接受獎項時，仲開心到忍唔住流淚：「我會全力以赴，直到我可以堂堂正正咁企喺呢個位為止。」佢又眼泛淚光感謝拍檔全智賢、申成祿及安宰賢等同劇演員。
文章標籤
全站熱搜
留言列表
